ინგლისის ეროვნული ნაკრებისა და ლონდონის „ჩელსის“ ყოფილი ფეხბურთელი, ფრენკ ლამპარდი 18 თვიანი უმუშევრობის შემდეგ საქმიანობას უბრუნდება.

როგორც ცნობილი ბრიტანული გამოცემა, Telegraph-ი იუწყება, ფრენკ ლამპარდი „ქოვენთრის“ მთავარი მწვრთნელად დაინიშნა.წყაროს ცნობით, მხარეებს შორის ყველაფერი გადაწყვეტილია და ფრენკ ლამპარდის დებიუტი ახალ კლუბში შაბათს შედგება, სადაც „ქოვენთრი“ საკუთარ მოედანზე „კარდიფს“ უმასპინძლებს.

შეგახსენებთ, რომ „ქოვენთრის“ მესვეურებმა, არასათანადო შედეგების გამო მარკ რობინსი „დერბისთან“ წაგებული შეხვედრის შემდეგ დაითხოვეს და ახალი მწვრთნელის ძიებაში იყვნენ.

„ქოვენთრის“ ჩემპიონშიფის მიმდინარე გათამაშებაში 17 ტურის შემდეგ 17 ქულა აქვს და მე-17 ადგილს იკავებს.