„ალ-ჰილალის“ თავდამსხმელმა ნეიმარმა შესაძლოა მალე საუდური კლუბი დატოვოს.

როგორც Sport.de ესპანურ მედიაზე დაყრდნობით იუწყება, ბრაზილიელი ფეხბურთელი საუდის არაბეთში კარიერის დასრულების შემდეგ მადრიდის „რეალში“ გადასვლაზე ოცნებობს. აღსანიშნავია, რომ მოთამაშეს სურს ერთ გუნდში თამაშოს ვინისიუსთან და კილიან მბაპესთან, რომლებთანაც კარგი ურთიერთობა აქვს.

მიმდინარე სეზონში 32 წლის თავდამსხმელმა ორი მატჩი ჩაატარა, რომლებშიც არ იყო ეფექტური.

შეგახსენებთ, რომ ნეიმარი „ალ-ჰილალს“ 2023 წლის აგვისტოში შეუერთდა. ფეხბურთელის ამჟამინდელი კონტრაქტი კლუბთან 2025 წლის ზაფხულამდე მოქმედებს.