ყაზახეთში მიმდინარე გრან პრის გათამაშებაზე პარა ძიუდოში (J1) უსინათლოთა შორის საბა ბაღდავაძემ ოქროს მედალი მოიპოვა.

ტურნირის პირველივე დღეს ჩვენმა ფალავანმა (-81კგ.) წონით კატეგორიაში იასპარეზა. საბამ ნახევარფინალურ ბრძოლაში ბრაზილიელ მოწინააღმდეგეს სძლია და ფინალში გამოსვლის უფლება მოიპოვა.

გადამწყვეტ შეხვედრაში ბაღდავაძემ ნეიტრალური დროშით მოასპარეზე ვიქტორ რუდენკო დაამარცხა და ასტანა 2024 გრან პრის მფლობელი გახდა.