ერთა ლიგის 2024 წლის სეზონის ჯგუფური ეტაპი დასრულდა, შესაბამისად, ყველა ვერდიქტი ცნობილია.

A დივიზიონი

A დივიზიონის ჯგუფების გამარჯვებულები:

პორტუგალია, საფრანგეთი, გერმანია, ესპანეთი

A დივიზიონის ჯგუფების მეორეადგილოსნები:

ხორვატია, იტალია, ნიდერლანდები, დანია

ისინი მეოთხედფინალში გავიდნენ და თასისთვის გააგრძელებენ ბრძოლას. 22 ნოემბერს, წილისყრით დაწყვილდებიან მეოთხედფინალში, პირველადგილოსნები მეორეადგილოსნებს შეხვდებიან.

A დივიზიონში დასარჩენ პლეი-ოფს ითამაშებენ შოტლანდია, ბელგია, უნგრეთი და სერბეთი B დივიზიონის მეორეადგილოსნებთან, რომელთა მიზანი თავის მხრივ დაწინაურება იქნება: უკრაინა, საბერძნეთი, ავსტრია და თურქეთი.

A დივიზიონიდან B დივიზიონში უკვე გავარდნენ პოლონეთი, ისრაელი, ბოსნია და შვეიცარია.

B დივიზიონი

B დივიზიონიდან A დივიზიონში აღზევდნენ ჩეხეთი, ინგლისი, ნორვეგია და უელსი.

გადასასვლელ პლეი-ოფს ითამაშებენ უკრაინა, საბერძნეთი, ავსტრია და თურქეთი. წილისყრის შედეგად მათ დაწყვილება მოუწევთ შემდეგ ნაკრებებთან: ბელგია, უნგრეთი, შოტლანდია და სერბეთი.

B დივიზიონში დასარჩენი პლეი-ოფი ელოდებათ საქართველოს, ირლანდიას, სლოვენიას და ისლანდიას C დივიზიონის ჯგუფების მეორეადგილოსნებთან - კოსოვო, ბულგარეთი, სლოვაკეთი და სომხეთი.

B დივიზიონიდან C დივიზიონში უკვე გავარდნენ ალბანეთი, ფინეთი, ყაზახეთი და მონტენეგრო.

C დივიზიონი

C დივიზიონიდან B დივიზიონში უკვე გადავიდნენ შვედეთი, რუმინეთი, ჩრდ. ირლანდია და ჩრდ. მაკედონია.

გადასასვლელ პლეი-ოფს ითამაშებენ სლოვაკეთი, კოსოვო, ბულგარეთი და სომხეთი. მათი მეტოქეები წილისყრის შედეგად გაირკვევა საქართველოს, ირლანდიას, სლოვენიასა და ისლანდიას შორის.

C დივიზიონში ადგილი შეინარჩუნეს ესტონეთმა, კვიპროსმა, ბელარუსმა და ფარერებმა.

C დივიზიონიდან D დივიზიონში გავარდნენ აზერბაიჯანი და ლიეტუვა, ხოლო ლატვიას და ლუქსემბურგს პლეი-ოფში მოუწევთ დარჩენისთვის ბრძოლა.

D დივიზიონი

D დივიზიონიდან C დივიზიონში აღზევდნენ სან მარინო და მოლდოვა, ხოლო გადასასვლელ პლეი-ოფში ითამაშებენ გიბრალტარი და მალტა, რომელთა მეტოქეები ლუქსემბურგი და ლატვია იქნებიან. D დივიზიონში იქნებიან მომდევნო სეზონშიც ლიხტენშტაინი და ანდორა.

პლეი-ოფის მატჩები 20-23 მარტს გაიმართება, ისევე, როგორც A დივიზიონის თასის მეოთხედფინალური შეხვედრები.

A დივიზიონის თასის ნახევარფინალები 4-5 ივნისს, მესამე ადგილისთვის მატჩი და ფინალი კი, 8 ივნისს გაიმართება.

C/D დივიზიონის პლეი-ოფის მატჩები 26 და 31 მარტს შედგება.