ფრანგული „მონაკოდან“ საშა ობრადოვიჩი გაათავისუფლეს, მის ნაცვლად კი, მთავარი მწვრთნელის პოსტზე დროებით მანუჩარ მარკოიშვილი დაინიშნა.
უცნობია რის გამო გაუშვეს გამოცდილი სპეციალისტი სამსახურიდან, რადგან მონეგასკებს სეზონში ცუდი სტარტი არ აქვთ. სანამ „თავადები“ ახალ მწვრთნელს იპოვიან, გუნდს მარკოიშვილი უხელმძღვანელებს, რომელიც აქამდე სამწვრთნელო შტაბში მუშაობდა.
მარკოიშვილი „მონაკოში“ 2021 წლიდან მუშაობს, პარალელურად, 2019 წლიდან საქართველოს ნაკრების სამწვრთნელო შტაბშიცაა დასაქმებული.
