ერთა ლიგის სამ ჯგუფში ბოლო ტურის მატჩები გაიმართა და ყველაფერი გაირკვა. მატჩები B დივიზიონის ორ და C დივიზიონის ერთ ჯგუფში გაიმართა.
B დივიზიონი, II ჯგუფი
ინგლისის ნაკრებმა ირლანდია საკუთარ მოედანზე 5:0 დაამარცხა. თუმცა, ლი კარსლის ბოლო მატჩში ინგლისის ეროვნული ნაკრების მთავარი მწვრთნელის რანგში 53-ე წუთამდე ანგარიში 0:0 იყო, სანამ ირლანდიას ფეხბურთელი არ გაუძევეს და თან ჰარი კეინმა პენალტი არ გაიტანა. მერე ალბიონელებმა მეტოქის რბევა მოახერხეს.
საბერძნეთმა სტუმრად 2:0 მოუგო ფინეთის ნაკრებს, რის შედეგადაც 15 ქულით დაასრულა გამოსვლა, მაგრამ ჯგუფში პირველი ადგილი მაინც ვერ დაიკავა.
ჯგუფი ინგლისმა მოიგო 15 ქულით (ურთიერთშეხვედრებში აჯობა საბერძნეთს) და A დივიზიონში დაბრუნება მოახერხა. საბერძნეთსაც აქვს შანსი A დივიზიონში გადავიდეს, პლეი-ოფში იბრძოლებს ამისთვის. ფინეთი C დივიზიონში გავარდა, ხოლო ირლანდია B დივიზიონში დასარჩენად პლეი-აუტში ითამაშებს A დივიზიონის ერთ-ერთ მესამეადგილოსანთან.
ინგლისი - ირლანდია (0:0)
გოლები: 1:0 კეინი (53. პენ), 2:0 გორდონი (56), 3:0 გალაჰერი (58), 4:0 ბოუენი (76), 5:0 ჰარვუდ-ბელისი (79)
ფინეთი - საბერძნეთი (0:0)
გოლები: 0:1 ბაკასეტასი (52), 0:2 ცოლისი (56)
| 1. | ინგლისი | 6 | 5 | 0 | 1 | 16 | 3 | 13 | 15 |
| 2. | საბერძნეთი | 6 | 5 | 0 | 1 | 11 | 4 | 7 | 15 |
| 3. | ირლანდია | 6 | 2 | 0 | 4 | 3 | 12 | -9 | 6 |
| 4. | ფინეთი | 6 | 0 | 0 | 6 | 2 | 13 | -11 | 0 |
B დივიზიონი, III ჯგუფი
ნორვეგიის ნაკრებმა ერლინგ ჰოლანდის ლიდერობით ყაზახეთი 5:0 გაანადგურა. ჰოლანდმა ჰეთ-თრიქი შეასრულა. პარალელურად, დაზავდნენ ავსტრია და სლოვენია (1:1).
ჯგუფში ნორვეგიამ იპირველა 13 ქულით და A დივიზიონში აღზევდა. 13-ქულიანი ავსტრია ამ საგზურისთვის პლეი-ოფში იბრძოლებს, სლოვენია B დივიზიონში დასარჩენ პლეი-აუტს ითამაშებს, ხოლო ფინეთი უქულოდ გავარდა C დივიზიონში.
ავსტრია - სლოვენია (1:0)
გოლები: 1:0 შმიდი (27), 1:1 ჩერინი (81)
ნორვეგია - ყაზახეთი 5:0 (3:0)
გოლები: 1:0 ჰაალანდი (23), 2:0 ჰაალანდი (37), 3:0 სორლოთი (41), 4:0 ჰაალანდი (71), 5:0 ნუსა (76)
| 1. | ნორვეგია | 6 | 4 | 1 | 1 | 15 | 7 | 8 | 13 |
| 2. | ავსტრია | 6 | 3 | 2 | 1 | 14 | 5 | 9 | 11 |
| 3. | სლოვენია | 6 | 2 | 2 | 2 | 7 | 9 | -2 | 8 |
| 4. | ყაზახეთი | 6 | 0 | 1 | 5 | 0 | 15 | -15 | 1 |
C დივიზიონი, IV ჯგუფი
C დივიზიონის მეოთხე ჯგუფი ჩრდილოეთ მაკედონიამ მოიგო, რომელმაც ბოლო ტურში ფარერებს 1:0 აჯობა, მაგრამ ჯგუფი ისედაც მოგებული ჰქონდა. სომხეთმა სტუმრად ლატვიას 2:1 სძლია.
ჩრდილოეთ მაკედონია 16 ქულით გავიდა პირველ ადგილზე და B დივიზიონში გადავიდა, ლატვია D დივიზიონში გავარდა, სომხეთი B დივიზიონის საგზურისთვის პლეი-ოფში ითამაშებს, ხოლო ფარერები დარჩა C დივიზიონში.
ჩრდ. მაკედონია - ფარერები 1:0 (0:0)
გოლი: 1:0 მიოვსკი (62)
ლატვია - სომხეთი 1:2 (0:0)
გოლები: 0:1 სპერტსიანი (48), 1:1 ულდრიკისი (70), 1:2 მირანიანი (74)
| 1. | ჩრდ. მაკედონია | 6 | 5 | 1 | 0 | 10 | 1 | 9 | 16 |
| 2. | სომხეთი | 6 | 2 | 1 | 3 | 8 | 9 | -1 | 7 |
| 3. | ფარერები | 6 | 1 | 3 | 2 | 5 | 6 | -1 | 6 |
| 4. | ლატვია | 6 | 1 | 1 | 4 | 4 | 11 | -7 | 4 |
