უკრაინელმა მწვრთნელმა და ახლა უკვე საფეხბურთო ექსპერტმა ოლეგ ფედორჩუკმა საქართველო-უკრაინის მატჩზე ისაუბრა.

როგორც მან აღნიშნა, ხვიჩა კვარაცხელიას თუ გაანეიტრალებენ, უკრაინელთა შანსი გაიზრდება.

„პირველ რიგში, ჩემი აზრით, ჩვენი ბიჭების კლასი მასპინძლებზე მაღალია. საქართველოს ჰყავს ფეხბურთელი, რომლის სანახავადაც გულშემატკივრები სტადიონზე მიდიან. ეს არის ხვიჩა კვარაცხელია. რა თქმა უნდა, მომავალ შაბათს „ნაპოლის“ ლიდერი ეროვნული ნაკრებსაც ულიდერებს. ამიტომ, ბევრი რამ იქნება დამოკიდებული იმაზე, გაუძლებს თუ არა ჩვენი მარჯვენა მცველი ეფიმ კონოპლია ამბიციურ ქართველს. თუ ერთობლივი ძალისხმევით, პროაქტიულობის წყალობით, დაცვა მოახერხებს ხვიჩასთვის ცხოვრების გართულებას, მაშინ დადებითი შედეგის მიღწევის შანსი გაიზრდება.

მეორეც, დაცვითი ნახევარმცველის პოზიცია შეშფოთების მიზეზია. ვის აირჩევს სერგეი რებროვი? დინამოელი ვლადიმირ ბრაჟკო ტრავმის შემდეგ დაბრუნდა, მაგრამ საკლუბო დონეზე მისი თამაში შთამბეჭდავი არ არის, რაც შეეხება ივან კალიუჟნის, მისი მოტივაცია ეჭვს არ იწვევს, მაგრამ ექნება თუ არა საკმარისი სიჩქარე ქართველთა მოძრავ ნახევარმცველებთან ბრძოლაში? უფრო მეტიც, კვარაცხელიას სწორედ ცენტრალურ ზონაში უყვარს მარცხენა ფლანგიდან გადაადგილება.

სათამაშო პრაქტიკის ნაკლებობის არსებობაც საგანგაშოა. საუბარია ოლექსანდრ ზინჩენკოზე, რომან იარემჩუკზე, მიხაილ მუდრიკზე. რებროვი კი, ყოველთვის ყოველთვის ხაზს უსვამდა, რომ უპირატესობას ანიჭებდა მათ, ვისაც სათამაშო პრაქტიკა ექნებოდა. ამ დისბალანსმა შესაძლოა უარყოფითად იმოქმედოს უკრაინის ნაკრების თამაშზე.

არის კიდევ ერთი შეშფოთების მიზეზი: სამწუხაროდ, დოვბიკს უჭირს იტალიაში, სადაც დაცვა იციან. რა სიტუაცია გვაქვს: დოვბიკი გოლებს ვერ იტანს, იარემჩუკი „ოლიმპიაკოსში“ სათადარიგოა. არის დინამოელი ვლადისლავ ვანატიც, მაგრამ საერთაშორისო ასპარეზზე სამწუხაროდ გამოუცდელია.

მიუხედავად ამ ყველაფრისა, ორივე გუნდისთვის რთული დაპირისპირება იქნება. არის იმედი, რომ ჩვენი მეკარე საუკეთესოდ ითამაშებს და იღბალიც გაგვიღიმებს. მგონია, რომ შედეგიანი ფრე იქნება“, - თქვა ფედორჩუკმა.

შეგახსენებთ, რომ საქართველოსა და უკრაინის მატჩი 16 ნოემბერს, ბათუმში გაიმართება.