ლონდონის „არსენალის“ მთავარი მწვრთნელი მიკელ არტეტა გუნდის ნახევარდაცვის გაძლიერებას მარტინ ზუბიმენდით გეგმავს.
ამის შესახებ ინფორმაციას გამოცემა Independent-ი ავრცელებს.
წყაროს ცნობით „მეთოფეებს“ საყრდენი ზონის გაძლიერება უნდათ, რისთვისაც ზუბიმენდის ვარიანტს სერიოზულად განიხილავენ და მზად არიან 25 წლის ესპანელი ფეხბურთელი ზაფხულის სატრანსფერო პერიოდში გაიფორმონ. მისი სატრანსფერო ღირებულება transfermarket-ის მიხედვით 60 მილიონია.
ზუბიმენდი „რეალ სოსიედადის“ აღზრდილია და სხვა კლუბში არასდროს უთამაშია, მან მიმდინარე სეზონში ყველა ტურნირზე 16 შეხვედრაში მიიღო მონაწილეობა და მის აქტივში 1 გოლი და 1 ასისტია.
