გერმანიის II ბუნდესლიგის მე-12 ტურში „კარლსრუე“ შინ „მიუნსტერს“ დაუზავდა, ხოლო ბუდუ ზივზივაძემ გოლი გაიტანა.
ქართველმა ფორვარდმა 76 წუთი ითამაშა, 37-ე წუთზე კი ძლიერი დარტყმით ანგარიში გახსნა. მისი გოლით იგებდა „კარლსრუე“, თუმცა 92-ე წუთზე გაუშვა და ქულას დასჯერდა - 1:1.
ბუდუ ზივზივაძეს II ბუნდესლიგის 12 მატჩში 8 გოლი აქვს გატანილი და ბომბარდირთა დავაში მეორე ადგილზეა, ლიდერს, ისაკ ლიდბერგს ერთი გოლით ჩამორჩება. გარდა ამისა, ბუდუს აქტივში 2 საგოლე პასიცაა, ხოლო გერმანიის თასზე ორი გოლით და ერთი ასისტით გამოირჩა.
„კარლსრუე“ 20 ქულით მეოთხე პოზიციას იკავებს, მომდევნო ტურის მატჩს კი, 23 ნოემბერს, სტუმრად „ფიურტთან“ ჩაატარებს.
