იტალიის ქალაქ პიზაში, ეტლით ფარიკაობაში 2024 წლის მსოფლიო თასის გათამაშება დასრულდა. ტურნირის ბოლო დღეს ნინა თიბილაშვილმა ვერცხლის მედალი მოიპოვა.

ხმლით ფარიკაობაში ქართველმა პარასპორტსმენმა ნახევარფინალში ჰონკონგელი მოწინააღმდეგე 15:4 დაამარცხა, საფინალო ბრძოლა კი პოლონელ კინგა დროჟთან 9:15 დათმო და მეორე საპრიზო ადგილზე გავიდა.

პიზა 2024 მსოფლიო თასის გათამაშებაზე საქართველოს ეტლით მოფარიკავე ქალთა ნაკრებმა ჯამში ორი მაღალი სინჯის მედალი აიღო. პირველ საშეჯიბრო დღეს, ირმა ხეცურიანი რაპირით ასპარეზობაში ოქროს მედალს დაეუფლა.