მადრიდის „რეალი" ცენტრალური და მარჯვენა მცველის შეძენას გეგმავს. ამის შესახებ ჟურნალისტი და ინსაიდერი ფაბრიციო რომანო იტყობინება თავის YouTube არხზე გამოქვეყნებულ პოდკასტში.

წყაროს ცნობით, „ლოს ბლანკოსი" სატრანსფერო ბაზარზე იანვარშიც და ზაფხულშიც აქტიური იქნება. აღსანიშნავია, რომ ზამთრის სატრანსფერო ფანჯარისას პრიორიტეტული მიზანი ცენტრალური მცველია, რომლის სახელიც არ სახელდება. ზაფხულის სატრანსფერო პერიოდში კი მთავარი სამიზნე ლივერპულის მარჯვენა მცველი, ინგლისელი ტრენტ ალექსანდერ-არნოლდია.

მანამდე გავრცელდა ინფორმაცია, რომ „რეალი“ ანჩელოტის გათავისუფლებას განიხილავს, თუ ის გუნდის შედეგებს არ გააუმჯობესებს. იტალიელი სპეციალისტის შეცვლის მთავარ კანდიდატად „ბაიერის“ მწვრთნელი ჩაბი ალონსო ითვლება.

„რეალი" ჩემპიონთა ლიგის სატურნირო ცხრილში მე-17 ადგილზეა, ოთხი ტურის შემდეგ ექვსი ქულით. ამასთან, ესპანეთის ჩემპიონატში სამეფო კლუბი მეორე ადგილზეა, 11 მატჩის შემდეგ 24 ქულით და ცხრა ქულით ჩამორჩება ლიდერ „ბარსელონას.“