„ვოლფსბერგერის“ ნახევარმცველმა სანდრო ალთუნაშვილმა მიმდინარე სეზონში პირველი გოლი გაიტანა.

ავსტრიის ბუნდესლიგის მე-12 ტურში „ვოლფსბერგერი“ „აუსტრია კლაგენფურტთან“ 1:2 დამარცხდა, ხოლო ალთუნაშვილი თამაშში მეორე ტაიმის პირველივე წუთიდან ჩაერთო და 71-ე წუთზე პრესტიჟის გოლი გაიტანა, რომელიც ძალიან ლამაზი გამოვიდა, საჯარიმოს გარედან ერთი შეხებით გაისროლა და მეტოქის კარი დალაშქრა.

„ვოლფსბერგერი“ 17 ქულით მეხუთე ადგილზეა, მომდევნო ტურში კი, 9 ნოემბერს, ვენის „აუსტრიას“ შეხვდება.