თავისუფალ ჭიდაობაში მსოფლიოს ჩემპიონატზე მირიან მაისურაძემ ვერცხლის მედალი მოიპოვა.

97 კგ წონით კატეგორიაში მაისურაძემ ინდოელი სანდიპ მანი 10:0, სლოვაკი ბატირბეკ ცაკულოვი 4:2 და იტალიელი ბენჟამინ ჰონისი 9:2 დაამარცხა, ხოლო ფინალში ძალიან ძლიერი მეტოქე ჰყავდა, ორგზის ოლიმპიური ჩემპიონი აბდულრაშიდ სადულაევი, რომელთანაც 0:6 წააგო და ვერცხლის მედალს დასჯერდა.

მოგეხსენებათ, მანამდე ავთანდილ კენჭაძემ მოახერხა ოქროს მედლისა და შესაბამისად, მსოფლიოს ჩემპიონის ტიტულის მოპოვება. ამდენად, თავისუფალ ჭიდაობაში გამოსვლა საქართველომ თითო ოქრო-ვერცხლის მედლით დაასრულა (ოთხ წონაში).

შეგახსენებთ, რომ მსოფლიოს ჩემპიონატი მხოლოდ არაოლიმპიურ წონებში გაიმართა. მანამდე ბერძნულ-რომაულ ჭიდაობაში საქართველომ ორი ბრინჯაოს მედალი მიპოვა.