ალბანეთის დედაქალაქ ტირანაში მიმდინარე მსოფლიოს ჩემპიონატზე თავისუფალ ჭიდაობაში ავთანდილ კენჭაძემ ოქროს მედალი მოიპოვა და მსოფლიოს ჩემპიონი გახდა.

79 კგ წონით კატეგორიაში კენჭაძემ თურქი იბრაჰიმ იაპრაკი 11:0, იაპონელი კოტა ტაკაჰაში 12:1 და ყაზახი დაულეტ ერგეში 10:0 დაამარცხა, რის შედეგადაც ნახევარფინალში გავიდა, სადაც ირანელ მოჰამად ნოხოდილარიმის 14:5 სძლია.

ქართველი მოჭიდავე დღეს ფინალში რუს მაგომედ მაგომაევს შეხვდა, რომლის დამარცხება მოახერხა (13:4) და პირველი ადგილი დაიკავა.

შეგახსენებთ, რომ მსოფლიოს ჩემპიონატი მხოლოდ არაოლიმპიურ წონებში გაიმართა. მანამდე ბერძნულ-რომაულ ჭიდაობაში საქართველომ ორი ბრინჯაოს მედალი მიპოვა.