საუდური „ალ-ჰილალისა“ და ბრაზილიის ნაკრების 32 წლის გარემარბი ნეიმარი ეროვნულ ნაკრებში 2025 წლამდე ვერ ითამაშებს. ამის შესახებ RMC Sport წერს.

წყაროს ცნობით, მუხლის სერიოზული ტრავმის გამო ნეიმარი ახლახან გამოჯანმრთელდა და დაუბრუნდა მინდორს. მას შეეძლო ბრაზილიის ნაკრებში დაბრუნებულიყო, მაგრამ ქვეყნის საფეხბურთო კონფედერაციამ გადაწყვიტა, არ გაერისკა და მოთამაშის ჯანმრთელობას გაფრთხილებოდა.

ფეხბურთელმა შესაძლოა ეროვნული ნაკრების მაისურა კვლავ ჩაიცვას მომავალ მარტში, როდესაც ბრაზილია შეხვდება კოლუმბიას (20 მარტი) და შემდეგ არგენტინას (25 მარტი).

შეგახსენებთ, რომ 2026 წლის მსოფლიო ჩემპიონატის შესარჩევ ეტაპზე ბრაზილიის ნაკრები 14 ნოემბერს ვენესუელას ესტუმრება, 19-ში კი ურუგვაის უმასპინძლებს.