ინგლისის ლიგის თასს „მანჩესტერ სიტი“ მერვედფინალში გამოეთიშა. პეპ გვარდიოლას გუნდმა სეზონში პირველი მარცხი, ლონდონში „ტოტენჰემთან“ განიცადა.

საწყის 25 წუთში ტიმო ვერნერის და პაპე მატა სარის გოლებით „დეზები“ 2:0 დაწინაურდნენ და ეს უპირატესობა ხელიდან აღარ გაუშვეს. „სიტიმ“ ერთი გოლი გაქვითა პირველივე ტაიმში, თუმცა მეტი ვერაფერი მოახერხა და 1:2 წააგო.

ინგლისის ლიგის თასიდან გავარდა „ასტონ ვილაც“, რომელიც საკუთარ მოედანზე „კრისტალ პალასთან“ დამარცხდა.

სამაგიეროდ, მომდევნო ეტაპზეა „მანჩესტერ იუნაიტედი“, რომელმაც „ლესტერ სიტის“ 5:2 მოუგო, ასე რომ, რუუდ ვან ნისტელროის დებიუტი წარმატებული გამოდგა. ლონდონის „ჩელსი“ „ნიუკასლთან“ დამარცხდა 0:2 და ისიც დაემშვიდობა ტურნირს.

მომდევნო ეტაპზე გავიდნენ „ლივერპული“ და „არსენალი“. არნე სლოტის გუნდმა სტუმრად „ბრაიტონს“ დაძაბულ ბრძოლში 3:2 აჯობა, ხოლო „არსენალმა“ „პრესტონის“ ბარიერი ადვილად დაძლია - 3:0.

ინგლისის ლიგის თასის მეოთხედფინალური წყვილები ასეთია:

„ტოტენჰემი“ – „მანჩესტერ იუნაიტედი“

„არსენალი“ – „კრისტალ პალასი“

„ნიუკასლი“ – „ბრენტფორდი“

„საუთჰემპტონი“ – „ლივერპული“