ფიბა ევროპის თასის მეოთხე ტურში საქართველოს ჩემპიონმა „ქუთაისმა“ „პრიევიზდას“ უმასპინძლა და ძალიან ახლოს იყო ზედიზედ მეორე მოგებასთან, მაგრამ საბოლოოდ უდრამატულეს ბრძოლაში დამარცხდა.

კოტე ტუღუშის გუნდმა პირველი ტაიმი 5 ქულით მოიგო, ბოლოსკენაც იგებდა, მაგრამ უპირატესობა ვერ შეინარჩუნა და ძირითადი დრო ფრედ, 75:75 დასრულდა. შედეგად ოვერტაიმი დაინიშნა, რომელიც მატჩის ყველაზე დრამატული მონაკვეთი გამოდგა.

გამარჯვებულის გამოსავლენად 3 ოვერ-ტაიმი გახდა საჭირო! პირველი და მეორე ფრედ, შესაბამისად, 10:10 და 11:11 დასრულდა, ხოლო მესამე ოვერტაიმი სტუმრებმა 14:10 მოიგეს და საბოლოოდ, 108:104 გაიმარჯვა.

„ქუთაისის“ რიგებში საუკეთესო ელიჯა ჯოინერი იყო, რომელმაც 31 ქულა, 6 მოხსნა და 7 პას მიითვალა. 18 ქულით და 12 მოხსნით გამოირჩა გიორგი კორსანტია, 16 ქულა დააგროვა გიორგი ოჩხიკიძემ, ხოლო მარკილ სმითის ანგარიშზე 12 ქულა და 11 მოხსნაა.

„ქუთაისი“ J ჯგუფში 1 მოგებით და 3 წაგებით მესამე ადგილზეა, მომდევნო ტურში კი, 6 ნოემბერს, „ბილბაოს“ სტუმრად დაუპირისპირდება.

„ქუთაისი“ – „პრიევიზდა“ 104:108 (17:16, 28:24, 13:15, 15:18, 10:10, 11:11, 10:14)