დღეს, France Football-ი ოქროს ბურთის გამარჯვებულს დაასახელებს, რომელიც ვინისიუსი არ იქნება.
მიუხედავად იმისა, რომ მედიაში ბევრს წერდნენ, რომ ჯილდოს ბრაზილიელი მოიგებდა, RMC Sport-ის ცნობით, „რეალის“ ფეხბურთელმა გამოკითხვაში მეორე ადგილი დაიკავა. ოქროს ბურთს „მანჩესტერ სიტის“ ესპანელი ნახევარმცველი როდრი მიიღებს.
ფრანგული მედიის ცნობით, ეს ცნობა „რეალში“ ცუდად მიიღეს და კლუბში გადაწყვიტეს, რომ „რეალის“ არცერთი წარმომადგენელი დაჯილდოების ცერემონიას არ დაესწრება, რადგან უსამართლოდ მიაჩნიათ, რომ ოქროს ბურთს ვინისიუსი ვერ მიიღებს.
