საქართველოს ქალთა ნაკრების მთავარმა მწვრთნელმა ირის ანტმანმა ირლანდიის ნაკრებთან მარცხის (0:6) შემდეგ ისაუბრა.

"დიდი ანგარიშით მარცხი ყოველთვის მტკივნეულია. ვიცოდით, რომ რთული შეხვედრა გველოდა, თუმცა მატჩი ძალიან კარგად დავიწყეთ.

ვამაყობ გოგონებით, ვიცოდით, რომ იოლი არ იქნებოდა, თუმცა ეს პროცესია. თითოეულ მატჩში უნდა ვისწავლოთ. ნაბიჯ-ნაბიჯ ვაგრძელებთ განვითარებას. ამას გარკვეული დრო სჭირდება, მაგრამ საბოლოოდ მიზანს მივაღწევთ.

ბედნიერი ვარ, რომ გულშემატკივარი ჩვენთან ერთად იყო და ამხნევებდა გუნდს. ამან თავდაჯერება შეგვმატა. მართალია, ეს საკმარისი არ აღმოჩნდა, თუმცა სწავლას ვაგრძელებთ", - თქვა ანტმანმა.

შეგახსენებთ, რომ საქართველოს ქალთა ნაკრები ირლანდიას სტუმრად 29 ოქტომბერს დაუპირისპირდება.