მადრიდის „ატლეტიკოს“ მთავარმა მწვრთნელმა დიეგო სიმეონემ „ლილთან“ მატჩის შემდეგ მსაჯების შეცდომაზე ისაუბრა.

ესპანური კლუბის კარში დანიშნული პენალტი ძალიან საეჭვო იყო, რაზეც არგენტინელმა კომენტარი გააკეთა:

„პენალტი არ იყო, არაფერი იყო. მსაჯმა მითხრა, რომ იყო, მაგრამ ამიხსენით, რატომ იყო პენალტი! არ იყო ხელით თამაში, არ ყოფილა ბიძგი... იმედია, უეფა იტყვის, რომ მსაჯი სწორად მოიქცა და VAR-ი ამიტომ არ დაეხმარა. იმედი მაქვს, რომ გარკვეულ შეცდომებს მსაჯები ჩვენს სასარგებლოდაც დაუშვებენ. მსაჯის და VAR-ის საშინელ შეცდომამდე გოლების გატანა დაგვაკლდა, როცა ამის გაკეთება შეგვეძლო. ამიტომ, ამ მარცხს ორი ახსნა აქვს. ჩემპიონთა ლიგაზე რთულ მომენტში ვარ, ორი თამაში წავაგეთ და 7 გოლი გავუშვით“, - თქვა სიმეონემ.

შეგახსენებთ, რომ „ატლეტიკომ“ ჩემპიონთა ლიგაზე ბოლო ორი მატჩი წააგო - 0:4 „ბენფიკასთან“ და 1:3 „ლილთან“, ხოლო მანამდე „ლაიფციგი“ 2:1 დაამარცხა, შესაბამისად, 3 ქულა აქვს მოპოვებული.