ჩემპიონთა ლიგა სამკვირიანი პაუზის შემდეგ განახლდა და მესამე ტურის საწყისი ორი მატჩი გაიმართა, რომელშიც მასპინძლებმა იმარჯვეს.
„მილანმა“ ზედიზედ ორი მარცხის შემდეგ მოახერხა სამი ქულის მოპოვება და შინ „ბრიუგე“ დაამარცხა. პაულუ ფონსეკას გუნდს არ ჰქონია ადვილი თამაში, მეტიც მატჩის სტარტზე სამჯერ გადაურჩა გოლს.
34-ე წუთზე კრისტიან პულიშიჩმა პირდაპირ კუთხურიდან გაიტანა და „როსონერი“ დაწინაურდა. ორიოდ წუთში „ბრიუგე“ მოედანზე 10 ფეხბურთელით დარჩა, რამაც თამაშზე დიდი გავლენა იქონია. თუმცა, ბელგიელებმა მაინც იბრძოლეს და მეორე ტაიმის სტარტზე ანგარიშის გათანაბრებაც მოახერხეს. თუმცა, „ბრიუგემ“ მხოლოდ 10 წუთი შეინარჩუნა სასურველი ანგარიში. მერე ტიჯანი რეინდერსის ბენეფისი იყო, რომელმაც დუბლი შეასრულა.
სხვათა შორის, „მილანის“ 16 წლის დებიუტანტმა ფრანჩესკო კამარდამაც გაიტანა, რომელზეც იტალიაში ძალიან დიდ იმედს ამყარებენ, გოლიც ძალიან ემოციურად იზეიმეს, მაგრამ თამაშგარე დაფიქსირდა და გოლი გაუქმდა... და მაინც, 16 წლისა და 226 დღის ასაკში შედგა კამარდას დებიუტი და ყველაზე ახალგაზრდა იტალიელია ისტორიაში, ვინც ჩემპიონთა ლიგაზე ითამაშა. „მილანსა“ და „ბრიუგეს“ სამი ტურის შემდეგ 3-3 ქულა აქვთ.
„მონაკომ“ საკუთარ მოედანზე ბელგრადის „ცრვენა ზვეზდა“ 5:1 გაანადგურა. „თავადებმა“ სეზონი ძალიან კარგად დაიწყეს, მათ შორის ჩემპიონთა ლიგაც, სადაც უკვე 7 ქულა აქვს. „მონაკოს“ რიგებში ტაკუმი მინამინომ დუბლი შეასრულა, თითო გოლი ბრილ ემბოლომ, ვილფრიდ სინგომ და მაგნეს აკლიუჩემ შეაგდეს.
„მილანი“ – „ბრიუგე“ 3:1 (1:0)
გოლები: 1:0 პულიშიჩი (34), 1:1 საბე (51), 2:1 რეინდერსი (61), 3:1 რეინდერსი (71)
„მონაკო“ – „ცრვენა ზვეზდა“ 5:1 (2:1)
გოლები: 1:0 მინამინო (20), 1:1 ნდიაიე (27), 2:1 ემბოლო (45), 3:1 სინგო (54), 4:1 მინამინო (70), 5:1 აკლიუჩე (90)
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
აღმაშფოთებელია რაც რუსულენოვან რაგბის საიტზე rugger.info -ზე ხდება ამ დღეებში. თელ-ავივის გუნდთან ენისეი-სტმ წაგების შემდეგ რუსული ჭკუა დაკარგული ფანობა პირდაპირ ლანძღვაზე და ეთნიკური სახის შეურაცხობაზე გადავიდნენ. ჯერ იმას განიხილავდნენ, რომ საქართველო და ისრაელი აზიააო და რატომ თამაშობენ ევროპაშიო და პარალერულად ღირსების შემლახავი სიტყვებით "ამკობენ" ჩვენს ერს. მე, არ ვარ ამ საიტის გამომწერი, მაგრამ დრო და დრო შევდივარ ხოლმე და ვკითხულობ სტატიებს და გულშემატკივრების კომენტარებს. მახსოვს როგორი "პრინციპულობით" რეაგირებდა ხოლმე საიტის ადმინისტრაცია, როცა ქართველი საიტის გმომწერები რუსი გუშემატკივრის თავხედურ კომენტარებზე საპასუხოდ ოკუპაციის თემაზე და რუსულ შოვინიზმზე ჩამოაგდებდნენ ხოლმე საუბარს. მაშინვე ადმინის მიერ გაფრთხილება მოყვებოდა ხოლმე; რომ ეს რაგბის საიტია და არა სარაგბო თემებზე საუბრისგან და ერთმანეთის შეურაცხმყოფელი მიმართვებიდან თავი შეეკავებინათ, თორემ სიტს დაატოვებინებდნენ. შედეგად, rugger.info -ს შეფარული შოვინიზმის და ტენდეციურობის გამო ბევრმა ქართველმა დატოვა საიტი. ორი დღეა ვაკვირდები, მაგრამ საიტის ადმინისტრაცია ყურსაც არ იბერტყავს მათ საიტზე ჩვენი ქვეყნის შეურაცხმყოფელ განნცხადებებზე. მოვითხოვ, თუ ეროვნული ღირსება კიდევ შერჩენია შესაბამის სტრუქტურებს დაბლოკილი იქნეს ეს საიტი და ქართულმა მხარემ ყველანაირი თანამშრომლობა შეწყვიტოს ამ ფაშისტურ საიტთან. ამავე დროს მივმართავ rugger.info -ს ქართველ გამომწერებს დატოვონ ეს საიტი და ეს ფაშისტური პუბლიკა მარტო თავის თავთან. კმარა, გეყოფათ ამდენი შეურაცხობის მოთმენა ! ! !