„ფროზინონეს“ მთავარმა მწვრთნელმა ვინჩენცო ვივარინიმ „რეჯანასთან“ მატჩის წინ პრესკონფერენციაზე გიორგი კვერნაძის შესახებაც ისაუბრა.
„ის ახალგაზრდა ბიჭია და უნდა გააცნობიეროს, რომ რასაც ვარჯიშზე აკეთებს, იმის რეალიზება თამაშზე მოახერხოს. ფიზიკურად ძლიერია და ძლიერი ხასიათიც აქვს. მას ჯერ კიდევ სჭირდება შემტევ ფაზაში გაუმჯობესება, ამაზე ვმუშაობთ. ის პოტენციურად ერთ-ერთი ფეხბურთელია, ვისაც შეუძლია ამ მდგომარეობიდან გამოგვიყვანოს. ეს გუნდის ყველა მოთამაშესაც ეხება“, - თქვა ვივარინიმ.
შეგახსენებთ, რომ გიორგი კვერნაძემ სერია B-ს მიმდინარე სეზონში 6 მატჩი ჩაატარა, თუმცა ყველა შეცვლაზე და გოლი არ გაუტანია. "ფროზინონემ" სეზონი ძალიან ცუდად დაიწყო და გასავარდნ ზონაშია.
