„მანჩესტერ იუნაიტედი“ შესაძლოა ვინჩენცო მონტელამ ჩაიბაროს. როგორც თურქული გამოცემა A Spor-ი იტყობინება, მხარეებს შორის კონტაქტი უკვე შედგა.

იტალიელი უკვე ერთი წელია თურქეთის ნაკრების მწვრთნელია, სადაც წარმატებით მუშაობს. ის ერიკ ტენ ჰაგის შესაძლო შემცვლელთა სიაში მოხვდა და როგორც ჩანს, კლუბის ხელმძღვანელობას უკვე ესაუბრა.

ტენ ჰაგის გათავისუფლებაზე დიდი ხანია საუბრობენ, მაგრამ ჯერჯერობით თანამდებობას ინარჩუნებს, მიუხედავად იმისა, რომ „მანჩესტერმა“ სეზონი ძალიან ცუდად დაიწყო.

ვინჩენცო მონტელა თურქეთის ნაკრებამდე „ადანა დემირსპორს“, „რომას“, „ფიორენტინას“, „მილანს“, „სამპდორიას“ და „კატანიას“ ავარჯიშებდა.