„მანჩესტერ იუნაიტედიდან“ სერ ალექს ფერგიუსონის გაშვების გადაწყვეტილება მიიღეს, რომელიც კლუბის გლობალური ელჩი აღარ იქნება.

ინგლისური კლუბის გადაწყვეტილებას გამოეხმაურა ერიკ კანტონა, რომელმაც „მანჩესტერის“ ხელმძღვანელობა გააკრიტიკა:

„სერ ალექს ფერგიუსონს „მანჩესტერში“ სიკვდილამდე უნდა შეეძლოს აკეთოს ყველაფერი, რაც მოუნდება. ეს პატივისცემის ნაკლებობაა, სრულიად სკანდალური გადაწყვეტილებაა. სერ ალექს ფერგიუსონი სამუდამოდ ჩემი ბოსი იქნება“, - დაწერა კანტონამ სოციალურ ქსელში.

შეგახსენებთ, რომ „მანჩესტერ იუნაიტედს“ ალექს ფერგიუსონი 1986-2013 წლებში მუშაობდა, ხოლო მას შემდეგ გლობალური ელჩის პოსტს იკავებდა.