სამხრეთ ამერიკის ზონაში მსოფლიოს 2026 წლის ჩემპიონატის შესარჩევი ეტაპის მეექვსე ტურის მატჩები გაიმართა.

არგენტინის ნაკრებმა ბუენოს აირესში ბოლივიის ნაკრები 6:0 გაანადგურა. ეს მატჩი ლიონელ მესის ბენეფისი იყო, რომელმაც ჰეთ-თრიქი შეასრულა, გარდა ამისა, ორი საგოლე პასიც გააკეთა.

მესი პირველი ფეხბურთელი გახდა, რომელმაც ნაკრებში 10-ჯერ შეძლო ჰეთ-თრიქის შესრულება.

არგენტინის ნაკრები 22 ქულით ლიდერობს შესარჩევ ეტაპს და ფაქტობრივად უკვე გასულია მუნდიალზე.

ბრაზილიამაც დამაჯერებლად მოიგო, შინ 4:0 გაანადგურა პერუს ნაკრები და ზედიზედ მეორე გამარჯვებით სატურნირო ვითარება გამოისწორა. „სელესაო“ ისევ მეოთხე ადგილზეა, მაგრამ 16 ქულა აქვს და თავს მშვიდად გრძნობს.

კოლუმბიამაც 4:0 გაიმარჯვა, კრიზისში მყოფი ჩილეს წინააღმდეგ, პარაგვაიმ ძალიან მნიშვნელოვანი თამაში მოუგო უშუალო კონკურენტ ვენესუელას, ხოლო ურუგვაის და ეკვადორის ნაკრებები უგოლოდ დაზავდნენ.

არგენტინა - ბოლივია 6:0 (3:0)

გოლები: 1:0 მესი (19), 2:0 ლაუტარო (43), 3:0 ალვარესი (45), 4:0 ალმადა (69), 5:0 მესი (84), 6:0 მესი (86)

ბრაზილია - პერუ 4:0 (1:0)

გოლები: 1:0 რაფინია (38, პენ), 2:0 რაფინია (54, პენ), 3:0 პერეირა (71), 4:0 ლუის ენრიკე (74)

ურუგვაი - ეკვადორი 0:0 (0:0)

პარაგვაი - ვენესუელა 2:1 (0:1)

გოლები: 0:1 არამბურუ (25), 1:1 სანაბრია (59), 2:1 სანაბრია (74)

კოლუმბია - ჩილე 4:0 (1:0)

გოლები: 1:0 სანჩესი (34), 2:0 ლუის დიასი (52), 3:0 დურანი (82), 4:0 სინისტერა (90)