ინგლისის ეროვნული ნაკრების მთავარ მწვრთნელად თომას ტუხელი დაინიშნა. ინფორმაცია ოფიციალურად დადასტურდა.

ტუხელის კონტრაქტი ძალაში 2025 წლის იანვრიდან შევა და ალბიონელებს 2026 წლის მუნდიალის ბოლომდე გაწვრთნის. შესაბამისად, მისი დებიუტი 2025 წელს შედგება, ხოლო ნოემბრის მატჩებში ინგლისს ისევ დროებითი თავკაცი, ლი კარსლი უხელმძღვანელებს.

თომას ტუხელი სვენ-გორან ერიქსონისა და ფაბიო კაპელოს შემდეგ მესამე უცხოელი მწვრთნელია, რომელიც ინგლისის ნაკრებს ეყოლება.

გერმანელს აქამდე „მაინცში“, „დორტმუნდში“, პსჟ-ში, „ჩელსისა“ და „ბაიერნში“ აქვს ნამუშევარი.