წყალტუბოს „სამგურალის“ მთავარი მწვრთნელი მიხეილ აშვეთია აღარ არის. ინფორმაცია იმერული კლუბის ვებგვერდმა დაადასტურა.
მიხეილ აშვეთია "სამგურალში” 2021 წლიდან მუშაობდა, სადაც ჯერ მთავარი მწვრთნელის ასისტენტი, შემდეგ სპორტული დირექტორი და ბოლოს მთავარი მწვრთნელი იყო. ასევე, გუნდი დატოვა აშვეთიას ასისტენტმა ვასილ გიგიაძემ.
წყალტუბოელთა ახალი მწვრთნელის ვინაობა უახლოეს დღეებში გახდება ცნობილი. „სამგურალი“ ეროვნულ ლიგაში 28 ტურის შემდეგ 31 ქულით მეექვსე ადგილზეა.
