ვეტერანმა ალბანელმა ფეხბურთელმა იგლი ტარემ, რომელიც წლების განმავლობაში „ლაციოს“ სპორტული დირექტორი იყო, Tv Play-სთან ინტერვიუში თქვა, რომ რომაულ გუნდში ხვიჩა კვარაცხელიას შეძენასთან ახლოს იყო.

ალბანელმა დეტალებზე საუბრისგან თავი შეიკავა, მაგრამ დაადასტურა, რომ „ნაპოლიში“ ტრანსფერამდე კვარა შეიძლებოდა „ლაციოში“ გადასულიყო.

„კვარაცხელია სანამ „ნაპოლის“ ფეხბურთელი გახდებოდა, „ლაციოსთან“ ახლოს იყო. რატომ არ შედგა ტრანსფერი? არ შემიძლია თქმა, მაგრამ ნამდვილად იყო იმის შესაძლებლობა, რომ „ლაციოში“ მიმეყვანა“, - თქვა ტარემ.

შეგახსენებთ, რომ ხვიჩა კვარაცხელია „ნაპოლიში“ 2022 წლიდან თამაშობს, რომელსაც 10 მილიონი ევროს სანაცვლოდ შეუერთდა.