ნიდერლანდური ფეხბურთის ლეგენდა იოჰან ნეესკენსი 73 წლის ასაკში გარდაიცვალა.

ის ბოლო დღეებში ალჟირში იმყოფებოდა, სადაც თავი შეუძლოდ იგრძნო, ექიმებმა კი მისი სიცოცხლის გადარჩენა ვერ მოახერხეს.

ნეესკენსი 1970-1974 წლებში „აიაქსში“ თამაშობდა, მომდევნო 5 წელი კი „ბარსელონაში“. 1970-1981 წლებში ნიდერლანდების ნაკრებში 49 მატჩში 17 გოლი გაიტანა და ორჯერ მსოფლიოს ვიცე-ჩემპიონი გახდა.

კარიერის დასრულების შემდეგ იოჰან ნეესკენსი ნიდერლანდების და ავსტრალიის ნაკრებებში, „ბარსელონასა“ და „გალათასარაიში“ მწვრთნელის ასისტენტად მუშაობდა.