ინგლისური „ასტონ ვილას“ მთავარმა მწვრთნელმა უნაი ემერიმ ჩემპიონთა ლიგის მე-2 ტურის მატჩში გერმანულ „ბაიერნთან“ (1:0) გამარჯვების შემდეგ ჟურნალისტებს აზრი გაუზიარა.

„გვსურს ვიყოთ საკმარისად სტაბილურები, რომ რეგულარულად ვიასპარეზოთ ევროპაში. ძალიან კარგად ვიბრძოლეთ და გავიმარჯვეთ. ალბათ, რვა საუკეთესოში მოხვედრას შევძლებთ.

ძალიან მნიშვნელოვანია ასეთ გუნდებთან თავდაჯერებულად ყოფნა. მეკარე მარტინესმა არაჩვეულებრივი სამუშაო შეასრულა, დაუჯერებელი მოგერიებები გააკეთა.

ჩვენ ვმუშაობთ დურანთან (გოლის ავტორი). ყველაზე მნიშვნელოვანი ასპექტი მისი დამოკიდებულებაა: ის მზადაა ითამაშოს 90, 60, 30 წუთი. თავისი სათამაშო დროის ყოველ წუთზეა ორიენტირებული. დღეს ორი ძალიან კარგი თავდამსხმელი გვყავდა. ეს ფანტასტიკურია მისთვისაც და გუნდისთვისაც“, - ციტირებს ემერის სიტყვებს უეფას ოფიციალური ვებგვერდი TNT Sports-ზე დაყრდნობით.