იტალიის ნაკრების მწვრთნელმა ლუჩანო სპალეტიმ განაცხადა, რომ ანტონიო კონტეს „ნაპოლის“ აქვს იმის საფუძველი, რომ სუპერძლიერი გუნდი გახდეს. გარდა ამისა, სპალეტიმ იტალიის ნაკრებზეც ისაუბრა.
„სტადიონი გუნდს მხარს უჭერდა და გრძნობდა ამ „ნაპოლის“ სიძლიერეს. ჩემი აზრით, ამ გუნდს შეუძლია გარკვეული ემოციების გაღვივება. რა თქმა უნდა, შეუძლებელია იმის დავიწყება, რაც „ნაპოლიში“ მუშაობის პერიოდში განვიცადე. გამარჯვების საიდუმლო? მთავარია, რომ ყველა გაერთიანდეს, ფეხბურთელები ერთმანეთის განკარგულებაში იყვნენ. ძლიერი რომ გახდე, მხოლოდ 11 ხარისხიანი ფეხბურთელი არაა საჭირო, არამედ გუნდურობა და ამ შემთხვევაში სუპერძლიერი გახდები.
იტალიის ნაკრები? ახალგაზრდა იტალიელებს შეუძლიათ კარგი მომავალი ჰქონდეთ. ნიკოლო პიზილი და დანიელ მალდინი ნაკრების გაფართოებულ შემადგენლობაში არიან, გვიხარია, რომ გამოჩნდა ახალი ძალები, რომლებსაც შეუძლიათ წვლილი შეიტანონ იმ სირთულეების გადალახვაში, რომელიც ევროპის ჩემპიონატის შემდეგ გვქონდა. კიეზა და პოლიტანოც არიან ჩვენი ინტერესის ქვეშ, რადგან მიუხედავად იმისა, რომ შემადგენლობის გაახალგაზრდავება გადავწყვიტეთ, ისინი ჯერ კიდე არ არიან ასაკოვანი ფეხბურთელები. თუმცა, ჩვენ შევცვალეთ ტაქტიკა, რათა გუნდის უმეტესობა ფეხბურთელებს მოედანზე თავი უფრო კომფორტულად ეგრძნოთ”, - თქვა სპალეტიმ.
