ნიდერლანდების მეორე დივიზიონში არნემის „ვიტესის“ ფეხბურთელმა ირაკლი ეგოიანმა წარმოუდგენელი გოლი გაიტანა.

მერვე ტურში „გრააფსხაპის“ წინააღმდეგ 20 წლის ქართველმა საჯარიმოს გარედან მაკრატელა დარტყმით მოახერხა გოლის გატანა... ფანტასტიკური გოლი იყო, თუმცა „ვიტესი“ მაინც დამარცხდა - 1:3.

ეგოიანს მიმდინარე სეზონში შვიდ მატჩში 2 გოლი აქვს გატანილი, მან წინა ტურში „აიაქსის“ მეორე გუნდთან გამოიჩინა თავი. ირაკლი ეგოიანი „ტვენტეს“ აღზრდილია და „ვიტესს“ სეზონის წინ შეუერთდა. ის საქართველოს 21-წლამდე ნაკრების წევრია.

„ვიტესი“, რომელსაც 6 ქულა ჩამოკლებული აქვს, 4 ქულით მხოლოდ მე-19 ადგილზეა.