„ჩელსის" უკრაინელმა გარემარბმა მიხაილო მუდრიკმა ლონდონურ კლუბთან დაკავშირებით გადაწყვეტილება მიიღო.

Football Insider-ის ცნობით, ფეხბურთელმა „ჩელსის“ დატოვება გადაწყვიტა. ჯეიდონ სანჩოს ტრანსფერმა ფეხბურთელს სათამაშო დრო შეუზღუდა და მან კლუბის ხელმძღვანელობას ტრანსფერის მოთხოვნით მიმართა.

პრემიერლიგის 2024/2025 წლების სეზონში მუდრიკმა „ჩელსის“ შემადგენლობაში მხოლოდ ორი მატჩი ჩაატარა. მეტიც, ორივე შეხვედრაში ის მხოლოდ 30 წუთის განმავლობაში გამოჩნდა მინდორზე სათადარიგო სკამიდან.

შეგახსენებთ, რომ მუდრიკი „ჩელსიში“ „შახტარიდან“ 2023 წლის იანვარში გადავიდა. სატრანსფერო თანხამ 70 მილიონი ევრო შეადგინა.