„ბარსელონას“ მთავარმა მწვრთნელმა ჰანს-დიტერ ფლიკმა თავისი გუნდის თავდამსხმელის რობერტ ლევანდოვსკის თამაშზე ისაუბრა და მას ბოლო ათწლეულის განმავლობაში თავის პოზიციაზე საუკეთესო მოთამაშე უწოდა.
„რობერტ ლევანდოვსკი ბოლო 10 წლის განმავლობაში მსოფლიოს საუკეთესო ცენტრფორვარდია. მისი ამოცანაა წინ თამაში და გოლების გატანა და ის ამას ფანტასტიკურად და მარტივად აკეთებს,” — ციტირებს ჟურნალისტი და ინსაიდერი ფაბრიციო რომანო ფლიკის სიტყვებს სოციალურ ქსელ X-ზე (ყოფილი ტვიტერი).
მიმდინარე სეზონში 36 წლის ლევანდოვსკიმ ყველა ტურნირზე მონაწილეობა მიიღო რვა მატჩში, რომლებშიც შვიდი ბურთი გაიტანა და ორი საგოლე გადაცემა შეასრულა. ფეხბურთელის ამჟამინდელი კონტრაქტი კლუბთან 2026 წლის ზაფხულამდეა ძალაში.
