ესპანური გამოცემა Marca იტყობინება, რომ ოქროს ბურთს წელს მადრიდის „რეალის“ და ბრაზილიის ნაკრების ფეხბურთელი ვინისიუსი მოიგებს.

France Football-მა გამარჯვებული 28 ოქტომბერს უნდა დაასახელოს, მაგრამ ესპანური გაზეთის ინფორმაციით, ვინისიუსს უკვე აცნობეს, რომ გამარჯვებულია და შესაბამისად, ჯილდოს მიიღებს. ჯერჯერობით, ამ ინფორმაციას სხვა წყაროები არ ადასტურებენ.

ვინისიუსმა გასულ სეზონში 39 მატჩში 24 გოლი გაიტანა და 11 საგოლე პასი მიითვალა, ხოლო მიმდინარე სეზონში თავი ამ დროისთვის 3 გოლით და 5 საგოლე პასით გამოიჩინა.