საქართველოს ეროვნული ლიგის 25-ე ტური გორის „დილას“ და „სამტრედიას“ მატჩით გაიხსნა, რომელიც მასპინძლებმა დაძაბულ ბრძოლაში 3:2 მოიგეს.

„სამტრედია“ პირველივე წუთზე დაწინაურდა დანიელ ოვუსუს გოლით, თუმცა, ტაიმის მიწურულს გორელებმა ორწუთიან ინტერვალში ორჯერ გაიტანეს. ანგარიში ალექსანდრე ანდრონიკაშვილმა გაათანაბრა, ხოლო შემდეგ ტაირელ ვაუტერმა „დილა“ დააწინაურა.

88-ე წუთზე მუსა-ბაბა სანგარემ სხვაობა ორამდე გაზარდა, ხოლო მსაჯის მიერ კომპენსირებულ პირველ წუთზე ანტონიო ლოპესის ავტოგოლით საბოლოო ანგარიში დაფიქსირდა.

„დილა“ 51 ქულით ლიდერია და მომდევნო ტურში „დინამო ბათუმს“ შეხვდება, ხოლო „სამტრედია“ 16 ქულით ბოლო ადგილზეა და წინ „თელავთან“ მატჩი აქვს.