საფრანგეთის ნაკრების ფეხბურთელი ადრიენ რაბიო, რომელიც უგუნდოდ იყო, კარიერას „მარსელში“ გააგრძელებს.

ფრანგულმა კლუბმა ოფიციალურად დაადასტურა 29 წლის ნახევარმცველთან შეთანხმება, რომელიც სამედიცინო შემოწმების შემდეგ ორწლიან კონტრაქტს გააფორმებს.

რაბიო 1 ივლისიდან თავისუფალი აგენტი იყო, როცა „იუვენტუსთან“ კონტრაქტი ამოეწურა და კლუბი მხოლოდ ახლა იპოვა.

ადრიენ რაბიომ 2019-2024 წლებში „იუვენტუსში“ 212 მატჩში 22 გოლი გაიტანა, ხოლო მანამდე „პარი სენ-ჟერმენის“ და „ტულუზას“ ღირსებას იცავდა.