უზბეკეთის ჩემპიონატის მე-18 ტურში „ნასაფმა“ სტუმრად „ნავბაჰორი“ ჯაბა ჯიღაურის გოლით დაამარცხა. ქართველმა ფეხბურთელმა გამარჯვების გოლი 56- წუთზე გაიტანა. ჯაბამ 82-ე წუთამდე ითამაშა, ხოლო „ნავბაჰორის“ რიგებში გიორგი ნიქაბაძე მოედანზე მე-60 წუთამდე იყო და ის თომა ტაბატაძემ შეცვალა. ჯიღაურს მიმდინარე სეზონში 14 მატჩში 4 გოლი აქვს გატანილი.

„ნასაფი“ 41 ქულით ლიდერია და მომდევნო ტურში 23 სექტემბერს, ქკმკ-ს შეხვდება, ხოლო „ნავბაჰორი“ 23 ქულით მეშვიდე საფეხურზეა და წინ 20 სექტემბერს, ტაშკენტის „ლოკომოტივთან“ მატჩი ელოდება.

ყაზახეთის ჩემპიონატის მე-20 ტურში „ჟენისმა“ „კაისარი“ გიორგი ფანცულაიას გოლით დაამარცხა. ქართველმა ფორვარდმა 34-ე წუთზე ქუსლით მოახერხა თავის გამოჩენა, ხოლო 78-ე წუთზე შეცვალეს. მან მიმდინარე სეზონში მეხუთე მატჩში პირველად გაიტანა ჩემპიონატში. „ჟენისის“ რიგებში შეუცვლელად ითამაშა ზურაბ თევზაძემ, ხოლო „კაისარში“ 75-ე წუთიდან ითამაშა გიორგი ქობულაძემ.

„ჟენისი“ 13 ქულით მე-12 ადგილზეა, ხოლო „კაისარი“ 25 ქულით მეხუთე პოზიციას იკავებს.

აზერბაიჯანის ჩემპიონატის მეექვსე ტურში „შამახმა“ „სუმგაითი“ გიორგი ქანთარიას გოლით 1:0 დაამარცხა. ქართველმა ფეხბურთელმა მეორე წუთზე გაიტანა და მატჩის ბედიც გადაწყვიტა. ქანთარიასთვის ეს პირველი გოლი იყო სეზონში. „შამახი“ 8 ქულით მეხუთე ადგილზეა.

სლოვაკეთის ჩემპიონატის მეშვიდე ტურში „სლოვანმა“ სტუმრად „დუნაისკა სტრედა“ 2:1 დაამარცხა ტიგრან ბარსეგიანის დუბლით. ვლადიმირ ვაისის გუნდი აგებდა, მაგრამ მაინც მოიგო. გურამ კაშიამ შეუცვლელად ითამაშა და ავტოგოლი გაიტანა, 48-ე წუთზე. „სლოვანი“ 15 ქულით ლიდერია და მომდევნო ტურში 21 სექტემბერს, „რუჟომბეროკს“ უმასპინძლებს, თუმცა მანამდე 18 სექტემბერს, ჩემპიონთა ლიგის პირველ ტურში გლაზგოს „სელტიკს“ ესტუმრება.