არგენტინის ნაკრების მეკარეს, ემილიანო მარტინესს, კოლუმბიასთან 2026 წლის მსოფლიო ჩემპიონატის შესარჩევი მატჩის შემდეგ ოპერატორის კამერაზე დარტყმის გამო, შესაძლოა, დისკვალიფიკაცია დაემუქროს. ამის შესახებ canalrcn.com წერს.
არგენტინის ნაკრები ანგარიშით 1:2 დამარცხდა. მატჩის შემდეგ ემილიანო მარტინესს ოპერატორი მიუახლოვდა, მეკარემ კი კამერას დაარტყა. აღნიშნულია, რომ ადამიანზე თავდასხმისთვის, რომელიც არ არის მატჩის ოფიციალური პირი, შეიძლება დაწესდეს მინიმუმ სამი თამაშით დისკვალიფიკაცია.
25-ე წუთზე ანგარიში კოლუმბიის ნაკრების მცველმა იერსონ მოსკერამ გახსნა. 48-ზე არგენტინელთა საპასუხო გოლი თავდამსხმელმა ნიკოლას გონსალესმა გაიტანა. გამარჯვება მასპინძლებს ნახევარმცველმა ხამეს როდრიგესმა მოუტანა, რომელმაც 60-ე წუთზე ჯარიმა ზუსტად შეასრულა.
