ალბანეთის ეროვნული ნაკრების მწვრთნელმა სილვინიომ უკრაინასთან (2:1) გამარჯვების შემდეგ კომენტარი გააკეთა. ბრაზილიელი სპეციალისტი თამაშით ძალიან კმაყოფილი იყო.

„დამსახურებული გამარჯვებაა. კარგად ვითამაშეთ. ეს არის პირველი გამარჯვება დიდი ხნის შემდეგ ოფიციალურ მატჩში, როცა ბოლოს ჩეხეთი დავამარცხეთ (11 თვის წინ - რედ). ძალიან კარგად ვითამაშეთ და ბედნიერები ვართ. მომავალი მეტოქეებიც რთული გვყავს. მნიშვნელოვანი გამარჯვება იყო, რადგან გოლის გაშვების შემდეგ მოგება ძალიან რთულია.

ორი მატჩი ძალიან ახლო პერიოდშია, მხოლოდ ორი დღე გვაქვს მოსამზადებლად. ვარჯიში გვაქვს და ვნახავთ ფეხბურთელების ფიზიკურ მდგომარეობას. ვნახოთ, რა ცვლილებებს შევიტანთ მომდევნო მატჩისთვის“, - თქვა სილვინიომ.

შეგახსენებთ, რომ ალბანეთისა და საქართველოს მატჩი 10 სექტემბერს, თბილისის დროით 22:45 საათზე გაიმართება.