ბილბაოს „ატლეტიკის“ ნახევარმცველი ნიკო უილიამსი უხეშად გამოეხმაურა გულშემატკივართა შეთავაზებას მადრიდის „რეალში“ გადასვლასთან დაკავშირებით - გვამცნობს Cadena SER.

22 წლის ფეხბურთელს „ატლეტიკის“ ღია ვარჯიშზე გულშემატკივარი მიუახლოვდა.

„მომავალ წელს მადრიდის „რეალში", ნიკო!" - დაიყვირა გულშემატკივარმა.

„ჯოჯოხეთში წადი, ნაბიჭვარო", - უპასუხა უილიამსმა.

ზაფხულის სატრანსფერო ფანჯრის დროს გავრცელდა ინფორმაცია, რომ გარემარბი „ბარსელონაში“ გადასვლასთან ახლოს იყო, მაგრამ საბოლოოდ ტრანსფერი არ შედგა.

ამ სეზონში უილიამსმა ლა ლიგაში „ატლეტიკის“ შემადგენლობაში 4 მატჩი ჩაატარა უგოლოდ.