ლონდონის „ჩელსიმ“ „მანჩესტერ იუნაიტედიდან“ ჯეიდონ სანჩო დაიმატა. ტრანსფერი ოფიციალურად დადასტურდა.

ინგლისელი ლონდონელებს იჯარით, მაგრამ გაისად გამოსყიდვის ვალდებულებით შეუერთდა. მთლიანობაში „ჩელსის“ ჯეიდონის ტრანსფერი 30 მილიონი ევრო დაუჯდება, როცა მას გამოისყიდის.

ჯეიდონ სანჩომ „მანჩესტერში“ 2021 წლიდან 83 მატჩში 12 გოლი გაიტანა, ხოლო მანამდე თავი „დორტმუნდში“ გამოიჩინა. აღსანიშნავია, რომ ინგლისელის იჯარით დამატება ტურინის „იუვენტუსს“ სურდა, მაგრამ მათ უარი თქვეს გამოსყიდვის ვალდებულებაზე, რაც „მანჩესტერის“ მოთხოვნა იყო და ფეხბურთელი „ჩელსიში“ გაუშვეს.