„რომამ“ საუდის არაბეთის ნაკრების და „ალ-ჰილალის“ მარჯვენა მცველი, საუდ აბდულჰამიდი დაიმატა. ტრანსფერი ოფიციალურად დადასტურდა.

25 წლის ფეხბურთელის შეძენა „ჯალოროსის“ მთლიანობაში 3 მილიონი ევრო დაუჯდა, მან 12-ნომრიანი მაისური მოირგო და კონტრაქტი გააფორმა. აბდულჰამიდი არათუ „რომას“, არამედ სერია A-ს ისტორიაში პირველი ფეხბურთელია საუდის არაბეთიდან.

საუდ აბდულჰამიდი 2018-2022 წლებში „ალ-იტიჰადში“ თამაშობდა, ხოლო 2022 წლიდან „ალ-ჰილალის“ წევრი იყო და 119 შეხვედრაში 5 გოლი გაიტანა. საუდის არაბეთის ნაკრებში მას 36 მატჩში 1 გოლი აქვს გატანილი.