საქართველოს ნაკრებს უახლოეს მატჩებში ანზორ მექვაბიშვილი ვერ დაეხმარება. „კრაიოვას“ ქართველ ფეხბურთელს მაგნიტურ-რეზონანსული ტომოგრაფია ჩაუტარდა, რომელმაც ტრავმის ხარისხი დააზუსტა.

შიშობდნენ, რომ მექვაბიშვილის მუხლის ჯვარედინი მყესები ჰქონდა გაწყვეტილი, მაგრამ სამედიცინო გამოკვლევამ აჩვენა, რომ მყესები დაჭიმულია, რის გამოც 6 კვირა ვერ ითამაშებს და მოედანზე ოქტომბრის შუაში უნდა დაბრუნდეს. თუმცა, სექტემბრის სანაკრებო მატჩები ცხადია, რომ გაუცდება.

მექვაბიშვილმა ტრავმა რუმინეთის ჩემპიონატის ბოლო ტურში ბუქარესტის „დინამოსთან“ მიიღო.

მიმდინარე სეზონში ქართველმა ნახევარმცველმა 8 მატჩში თავი თითო გოლით და საგოლე პასით გამოიჩინა.