მიუნხენის „ბაიერნმა“ გერმანიის ბუნდესლიგა გამარჯვებით დაიწყო, რთულად, მაგრამ მაინც.
ვენსან კომპანის ოფიციალური დებიუტიც წარმატებული გამოდგა. „რეკორდმაისტერი“ „ვოლფსბურგს“ ესტუმრა, რომელიც დაძაბულ ბრძოლაში 3:2 დაამარცხა.
მიუნხენელებმა პირველი ტაიმი ჯამალ მუსიალას გოლით მოიგეს, მეორე ტაიმის სტარტი კი სტუმრებისთვის კოშმარული გამოდგა: ხორვატმა ნახევარმცველმა ლოვრო მაიერმა 55-ე წუთისთვის დუბლი შეასრულა და „მგლები“ დაწინაურდნენ.
„ვოლფსბურგმა“ ეს უპირატესობა ვერ შეინარჩუნა. ჯერ იაკუბ კამინსკის ავტოგოლით გათანაბრდა, ხოლო 82-ე წუთზე სერჟ გნაბრიმ გამარჯვების მომტანი გოლი გაიტანა.
„ბაიერნი“ მეორე ტურში „ფრაიბურგს“ უმასპინძლებს, ხოლო „ვოლფსბურგი“ „ჰოლშტეინ კილს“ ესტუმრება.
