ბოლო ერთი კვირის მანძილზე მთელი მსოფლიოს ბულვარული პრესა დიდი ფრანგი მსახიობის, ალენ დელონის გარდაცვალების შემდგომ ამბებს და მსახიობის წარსულს განიხილავს. რა გასაკვირია, რომ ალენის სპორტული “მუღამების” შესახებ ფრანგულმა სპორტულმა გამოცემებმაც გვაუწყეს.

ალენ დელონს სპორტი ძალიან უყვარდა, განსაკუთრებით ფეხბურთი. ღრმა სიბერემდე იგი ხშირად უნახავთ საფრანგეთის საფეხბურთო ნაკრების მატჩებზე და 1998 წელს “მამლების” მიერ მუნდიალის მოგება ლეგენდარულ მსახიობს პარიზის ერთ-ერთ ფეშენებელურ რესტორანში ფეხბურთელებთან ერთად აღუნიშნავს.

ერთადერთი რაც ვერ დადგინდა, ალენ დელონის საყვარელი საფეხბურთო კლუბი იყო. ბევრი ფიქრობდა, რომ ფრანგთა უმეტესობის მსგავსად დელონიც “პსჟ”-ის ქომაგი იყო, თუმცა სხვადასხვა დროს თავის საყვარელ გუნდად მსახიობი სულ სხვადასხვა კლუბს ასახელებდა (“მარსელი”, “რეიმსი”, “მონაკო”, “ლიონი”, “პსჟ” და სხვა) და აშკარაა, რომ “კლუბური სენტიმენტები” ამ კაცს ნაკლებად ახასიათებდა.