საქართველოს ნაკრებისა და „ნაპოლის“ ფეხბურთელ ხვიჩა კვარაცხელიას შვილი შეეძინა.
23 წლის ფეხბურთელი კლუბმა საქართველოში გამოუშვა, რათა შვილის დაბადებას დასწრებოდა. ახალშობილს სახელად დამიანე დაარქვეს.
ხვიჩას შვილის შეძენა „ნაპოლიმ“ ოფიციალური განცხადებითაც მიულოცა: „მთელი კლუბის სახელით ვულოცავთ დედა ნიცას და მამა ხვიჩას პატარა დამიანეს დაბადებას“.
შეგახსენებთ, რომ ხვიჩა კვარაცხელიამ სერია A-ს პირველ ტურში მცირე დაზიანება მიიღო, მაგრამ 25 აგვისტოს, „ბოლონიას“ წინააღმდეგ მისი თამაში ეჭვქვეშ არ დგას.
