„ბარსელონას“ ფეხბურთელის, ლამინ იამალის მამა დაჭრეს. როგორც Marca იტყობინება, შემთხვევა 14 აგვისტოს, გვიან საღამოს ქალაქ მატაროში (ესპანეთი) ავტოსადგომზე ჩხუბისას მოხდა.
იამალის მამა ბადალონის საავადმყოფოში გადაიყვანეს და მისი მდგომარეობა მძიმეა, მაგრამ სიცოცხლეს საფრთხე არ ემუქრება.
როგორც ესპანური მედია იტყობინება, პირველადი გამოძიების თანახმად, იამალის მამა დანით დაჭრეს და მოტივი უახლოეს წარსულში მომხდარი მოვლენების ანგარიშსწორებაა.
