ჩეხეთისა და საქართველოს ეროვნული ნაკრებების მატჩი უეფას ერთა ლიგის ეგიდით ოლომოუცში გაიმართება.

ჩეხებმა ხსენებული შეხვედრისთვის შეარჩიეს მასპინძელი არენა - „ანდრუვ შტადიონი“, რომელიც 12 474 მაყურებელს იტევს.

ჩეხეთის ნაკრებს აღნიშნულ სტადიონზე 14-ჯერ აქვს ნათამაშები, საიდანაც 10 მატჩი მოიგო, 4-ჯერ დამარცხდა, ხოლო ფრე არ უთამაშია.

ჩეხეთი-საქართველოს შეხვედრა 19 ნოემბერს გაიმართება. ეს ნაკრებები აქამდე ერთადერთხელ შეხვედრიან, როცა ევრო 2024-ის ჯგუფური ეტაპის მეორე ტურში, ჰამბურგში ითამაშეს და ფრე დაფიქსირდა - გიორგი მიქაუტაძის გოლს პატრიკ შიკმა უპასუხა.

ერთა ლიგის B დივიზიონში საქართველოს ნაკრების კალენდარი ასეთია:

საქართველო - ჩეხეთი (I ტური, 7 სექტემბერი)

ალბანეთი - საქართველო (II ტური, 10 სექტემბერი)

უკრაინა - საქართველო (III ტური, 11 ოქტომბერი)

საქართველო - ალბანეთი (IV ტური, 14 ოქტომბერი)

საქართველო - უკრაინა (V ტური, 16 ნოემბერი)

ჩეხეთი - საქართველო (VI ტური, 19 ნოემბერი)