მირჩა ლუჩესკუ რუმინეთის ეროვნული ნაკრების მთავარ მწვრთნელად დაინიშნა. ინფორმაცია ოფიციალურად დადასტურდა.

79 წლის სპეციალისტმა ფეხბურთის ფედერაციასთან ხელშეკრულება 2026 წლამდე გააფორმა. ასე რომ, რუმინეთის ნაკრებში ის 38-წლიანი პაუზის შემდეგ დაბრუნდა, რადგან თავისი სამშობლოს ეროვნულ ნაკრებს 1981-1986 წლებში უკვე წვრთნიდა.

ლუჩესკუს არაერთგან უმუშევია, მათ შორის, „პიზაში“, „ბრეშაში“, „რეჯანაში“, „გალათასარაიში“, „ბეშიქთაშში“, „ზენიტსა“ და თურქეთის ნაკრებში, ბოლო სამი წელი კი, კიევის „დინამოს“ ავარჯიშებდა. თუმცა, ყველაზე დიდ წარმატებას 20024-2016 წლებში დონეცკის „შახტარში“ მიაღწია.

რუმინეთის ნაკრებმა ევრო 2024-ზე ითამაშა, სადაც მერვედფინალში გასვლაც შეძლო, თუმცა ტურნირს ნიდერლანდებთან მარცხით გამოეთიშა.